sábado, 21 de xaneiro de 2012

A chea de 1909

O Támega é o responsable da formación da nosa fermosa comarca, gracias a el temos unha boa e chaira terra para cultivar, recolle a auga fresca das montañas e repártea por todo o val.  El trae o fresco no verán e as néboas no inverno, tráenos os peixes e verdor que todo o inunda na primavera. Pero ás veces, coma si quixese recordarnos quen é o que manda, o seu fluír convertese en ruxir e as forzas da natureza asómanse con toda a súa grandeza.
Estou a falar das cheas, e hoxe concretamente, da chea de 1909. Esta chea é quizais a máis grande que sufriu o val e pasados xa 102 anos empeza a caer no esquecemento. Pero se preguntamos os nosos anciáns, aínda que naceran 20 ou 30 anos despois dela, probablemente recorden as historias que ocorreron naqueles días e falarán dalgunha marca ou dalgunha casa para indicar ata onde chegou a auga, en Verín ata o bar Cesteiro e en Rabal (Oímbra) ata o pozo do Sagrado.
Pero claro, estes datos despois de tanto tempo, poden estar xa algo adulterados polo boca a boca. Existen, sen embargo, dúas citas que falan do que aquí aconteceu por aquelas datas, dúas publicacións de periódico que nos falan desta famosa chea.
A primeira publicación, data do xoves 30 de decembro de 1909, saíu no periódico La correspondencia de España e nela o xefe da benemérita de Verín escribe este informe:

“El Día 22 desbordose el río Támega que cruza esta villa y se desbordaron también los arroyos inmediatos, inundando completamente la población y alcanzando las aguas en la calle Mayor una altura de dos metros. Los escaparates de los comercios se anegaron, y todos los pisos bajos, sin tiempo á salvar intereses. Las perdidas son enormes, y lo mismo en los pueblos del valle. Continúa el temporal; pero descendiendo aguas.
La campiña ha quedado arrasada en gran parte. No se conocen por ahora desgracias personales.
El puente sobre el Támega, en la carretera general, se hundió en el centro.
Con fuerzas de esta cabecera y tres individuos del puesto de Villaderrey, que concentré aquí, presto auxilios sin descanso, atendiendo á múltiples servicios.
El comportamiento de las fuerzas en el salvamento de personas ha sido extraordinario”

Compre lembrar que este informe foi mandado por telegrama, e por iso está formado por frases soltas sen ningún tipo de unión entre elas.
A segunda publicación saíu no periódico El Liberal, o venres 31 de decembro do mesmo ano. Trátase dun artigo onde da a coñecer as desfeitas do temporal nas distintas comarcas de Ourense, o chegar a Verín di:

“Una de las comarcas  en la que la inundación causo más destrozos ha sido el valle de Monterrey. La villa de Verín, y los pueblos enclavados en la llanura. Han sufrido enormes perjuicios y pérdidas incalculables. En frutos, ganados y haciendas arrastrados por las aguas en la avenida del día 22. El río Támega comenzó á crecer a las dos de la mañana, y á las diez, un viaducto que con él afluye por el Noroeste se precipitó sobre la villa con toda la violencia de un torrente, que entrando por las llamadas “Puertas de Madrid”, en menos de media hora inundo el pueblo, juntándose en la Plaza Mayor con las aguas del río Támega que llegaron a alcanzar dentro de las casas la altura de metro y medio penetrando en las bodegas y plantas bajas, causando perjuicios enormes en los comercios y almacenes, cuyas existencias quedaron por completo inutilizadas. A las dos de la tarde comenzó á decrecer la avenida, y á las cinco pudo apreciarse que en el puente de la carretera de Castilla, único que comunica el pueblo con Orense, se habían llevado las aguas grandes trozos de los dos arcos centrales, haciendo imposible el tránsito de carruajes y caballerías. Todo el valle de Monterrey no era más que una inmensa laguna, de la que únicamente sobresalían los árboles más corpulentos, y las casas de más de un piso. Lo demás quedó debajo de las aguas. De los pueblos del Valle, los más perjudicados fueron los de Rasela, Quizanes, Vilela y Tintores, que han quedado en la mayor miseria, por haber perdido sus ganados, cosechas y aperos de labranza. El río que suministra la fuerza para la fábrica de fluído eléctrico, también se desbordó arrojando sobre dicha fábrica, enormes troncos que la destruyeron por completo.”

Neste artigo, tamén informa de que en Xinzo ademais das perdas das colleitas caeron todas as pontes dun camiño veciñal que comunicaba con Portugal. En Viana do Bolo di que o temporal tirou con trece pontes, pero no único lugar do que fala de perdidas humanas é na aldea de Santa María das Ermidas no concello de O Bolo, onde por mor dun desprendemento de terras morreron 26 persoas e 30 casas quedaron destruídas.

Xa pasaron moitos anos dende aquela chea. arranxaronse as pontes, replantáronse as árbores e as colleitas que a chea levara, tiráronse cos útiles que a auga volvera inservibles e compráronse outros. Pero facei a prova, na memoria daquela xente, quedou por sempre gravado aquel ano. A chea de 1909 pasou de pais a fillos para que nunca se esquecera. Para recordar quen é o rei do val, quen é o que trae e leva todo. Para que cando volvera o río a ruxir non fora de improviso. Así o quixeron e así a de ser.


Ningún comentario: